अरकान : फ़ाइलातुन फ़ाइलातुन
तक़ती : 2122 2122
मतना गर्भ म्हं मार बेटी,
सृष्टि का सिंगार बेटी।
लक्ष्मी का हो रूप दूसरा,
मतना समझो भार बेटी।
एक नहीं दो-दो घरां म्हं,
ल्यावै सै सुण बहार बेटी।
बेटा कहे नै नाट बी जागा,
हरदम पावै त्यार बेटी।
धन-दौलत की भूखी कोन्या,
चाहवै सै बस प्यार बेटी।
होली, दीवाली और सलूमण,
सारे तीज-त्यौहार बेटी।
क़दम-क़दम पै पड़ै ज़रूरत,
जीवन का आधार बेटी।
सबनै कोन्या मिल्या करै,
हो उपरले का उपहार बेटी।
'पंवार' सदा रहै जीत म्हं,
कदे ना मानै हार बेटी।
